Ish-ministri i Brendshëm Saimir Tahiri do ta kalojë natën e sotme në Drejtorinë e Policisë së Tiranës, për tu transferuar më pas në qelitë e paraburgimit të burgut 313.
I shoqëruar nga avokati i tij Maks Haxhi, Tahiri është filmuar në hollin e Drejtorisë së Tiranës. Me kurriz nga rruga dhe pa pranga në duar ish-ministri shihet në pritje të procedurave që do të ndiqen për të.
Për ish-ministrin e Brendshëm GJKKO ka lënë në fuqi vendimin e dënimit me 3 vite e 4 muaj burg, por duke i hequr mundësinë e konvertimit në shërbim prove.
Tahiri akuzohet nga SPAK për trafik të lëndëve narkotike, grup i strukturuar kriminal dhe kryerje e veprave penale nga organizata kriminale.
“Vuajtja me dënim fillon nga dita e ekzekutimit dhe të kryet në një burg të sigurisë së zakonshëm. I lejohet rekurs në Gjykatën e Lartë.”, tha gjykatesi.
(E.H/Faxweb.al)
në Facebook, klikoni Join Group
…
/faxweb
