Moti i keq me shi, erë të fortë e vetëtima, ka përfshirë Tiranën mbrëmjen e sotme. Si pasojë, në disa rrugë të kryeqytetit kanë filluar edhe problematikat e para. Sikurse mund të shihet edhe në fotot që publikon gazeta “Panorama”, disa rrugë, në Zog të Zi, Unazë të re, dhe në zonën e 21 Dhjetorit, janë përmbytur, duke e bërë të vështirë kalimin për qytetarët. Sipas meteorologëve moti i keq do të vijojë të jetë prezent edhe ditën e nesërme, deri pasdite.
