Vala e të nxehtit tashmë ka kapluar vendin tonë. Në dy nga qytetet më të rëndësishme në vendit, Berati dhe Elbasani, termometri ka shënuar 43 gradë C.
Sakaq, edhe kryeqyteti “nuk ka shpëtuar” nga kjo nxehtësi kaotike, pasi temperaturat kanë arritur deri në 40 gradë C. Si pasojë, shumë qytetarë kanë gjetur mënyrat e tyre për ta përballuar nxehtësinë. Ata nuk kanë lënë pas dore punët e tyre, por kanë shfrytëzuar shatërvanët e vendosur në shesh, janë veshur me kapele dhe kanë përdorur çadrat mbrojtëse nga rrezet e forta të diellit.
Ndërkohë, në gatishmëri të tyre kanë qenë dhe autoambulanca të shumta për ardhjen në ndihmë të rasteve urgjente. Theksojmë që gjithashtu në shërbimin parësor, janë në funksion urgjencat pediatrike 24/7 në katër qendra në Tiranë.
