Donalda Surducku, mjekja kushërirë me Parashqevi Simakun është familjarja e parë që ka hedhur dritë mbi fatin e saj.
Në një mesazh drejtuar Mira Kazhanit ajo tregon betejën me shëndetin, ndarjen nga bashkëshorti dhe pengun e nënës së Parashqevisë që iku nga kjo jetë një vit më parë.
Kushërira mjeke sqaron të vërtetën e Parashqevi Simakut:
A mund ta shpëtojmë Parashqevinë?
Mesazhi i të afërmes së Parashqevi Simakut: Pershendetje Zonja Mira,
Unë jam familjare e Parashqevisë. Ne kemi vite që i kemi humbur kontaktet. Informacioni i fundit është që ka pësuar një hemoragji cerebrale dhe si pasojë nuk është shumë shumë e kthjellët.
Me bashkeshortin është ndare prej shumë kohësh, por duke qenë se ai fitoi kujdestarinë mbi djalin e tyre është detyruar të vazhdojë jetesën në Amerikë për t’i qëndruar pranë djalit.
Tezja e mamase sime (mamaja e saj) vdiq totalisht e vetme vjet dhe me lot ne sy per vajzën. Sic ju thashë kontaktet i kemi humbur prej disa vitesh.
Ju falenderojmë për këtë nismë dhe ndoshta është akoma e mundur ta gjejmë dhe ndihmojmë.
Faleminderit.