I riu në foto është viktima e atentatit në Tiranë, Klajdi Prendi, djali i ish-gjyqtarit Fran Prendi.
Viktima, Klajdi Prendi
Ngjarja ndodhi pak pas mesnate (19 Nëntor) rreth orës 00:36, në rrugën “Xhanfize Keko”.
I riu raportohet se është mbajtur nën vëzhgim nga autorët. Ai sapo kishte dalë nga lokali dhe po futej brenda automjetit të tij tip G Class kur u qëllua me 5 plumba.
28-vjeçari mbeti i plagosur rëndë dhe u transportua tek Trauma, por si pasojë e plagëve të marra ka ndërruar jetë.
Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”, që dyshohet se u përket atentatorëve.
“Më datë 19.11.2024, rreth orës 00:36, në rrugën “Xhanfize Keko” , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë.
Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”.
Një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj, identifikimin dhe kapjen e autorit/ëve të dyshuar”, njoftoi policia.