Në qytetin e Fierit do hapet një ekspozitë me një temë mjaft të veçantë.
Ekspozita do të çelet në ambientet e ‘’Galerisë së Artit’’, ku do të paraqiten fotografitë e rralla nga Shqipëria e viteve 1981-1991.
Të gjitha fotografitë janë shkrepur nga fotografi francez, Michel Setboun dhe paraqesin jetën e vendit tonë në ato vite, ku shfaqen copëza të historisë shqiptare në një dekadë tejet dramatike.
Ekspozita e fotografit francez, titullohet ‘’Fundi dhe Fillimi’’ dhe aty do të shfaqen rreth 60 foto.
Bëhet e ditur se kjo ekspozitë shfaq një itinerar dramatik me jetën e shoqërisë shqiptare të periudhës së varfërisë ekonomike. Në disa prej tyre paraqitet edhe kalvari i gjatë të vuajtjeve dhe eksodi i shqiptarëve në fillim të 90’, kur të gjithë donin vetëm të iknin nga Shqipëria.
