Publikohet nga televizioni STAR fotoja e parë e vrasësit  të Caroline 20-vjeçare, Babi Anagnostopulos, nga burgu ku ai po mbahet për krimin e rëndë në Glyka Nera.

Fotoja e paraqitur nga stacioni televiziv grek tregon vrasësin  pas telave me gjemba të Korydallos, në një nga oborret e tij të para në krahun e 6-të të burgut.

Me sa duket, ai është duke qëndruar pranë një tavoline. Ka veshur një pantallona të shkurtra blu dhe një bluzë gri. Ka vendosur duart në mes dhe flet me një të burgosur tjetër që rri përballë tij në një stol.

Në orët e fundit ai ka filluar të flasë, më shumë me të burgosurin i cili akuzohet për trafik droge, u theksua në raportin përkatës të STAR. “Eshtë si të jesh në shtëpi”, ishte fraza që bartej tek Star nga burgu. Babis Anagnostopulos pati sot vizitën e parë në burgun e Korydallos, ku ai po mbahet në paraburgim pas rrëfimit të vrasjes në Glyka Nera.

Ai vazhdon “shfaqjen” nga burgu: “Unë vajtoj për atë që ka ndodhur” “Më vjen keq dhe ndjesa ime është e vërtetë”.

Kjo është ajo që 32-vjeçari rrëfeu për vrasjen e gruas së tij 20-vjeçare, Caroline Krauts, në burg.

Babis Anagnostopulos, përmes avokatit të tij, duke u caktuar në paraburgim në të ashtuquajturin krah VIP në burgun Korydallos, dërgon, siç transmeton STAR, një mesazh, duke theksuar se gjithçka që ai dëshiron është që të bëhet më e mira për fëmijën e tij. “Shkatërrova familjen time dhe humba gjithçka. Unë jam duke pritur për zhvillimin e procesit për të voglën. Gjithë sa dua vërtet është për të mirën e fëmijës. Më vjen keq dhe ndjesa ime është e vërtetë”.

Subscribe kanalin tonë në Youtube për të mos humbur asnjë video të re