Një aksident ka ndodhur në rrugën e re të Ersekës, ku një mjet tip “Benz” ka dalë nga rruga duke u përplasur me barrierën anësore.
Siç shihet edhe nga pamjet, mjeti ka dalë nga rruga dhe ka “ngecur” në barrierën mrojtëse, duke shmangur rënien në anën tjetër, e cila mund të kishte rezultuar fatale për shoferin dhe pasagjerin.
Sipas raportimeve, zjarrfikësja ka ndërhyrë për nxjerrjen e drejtuesit dhe pasagjerit, të cilët fatmirësisht janë në gjendje të mirë shëndetësore.
Ndërkohë policia ndodhet në vendngjarje për zbardhjen e rrethanave të aksidentit.
