Partia Socialiste ka shënuar sot 33-vjetorin e themelimit. Në një aktivitet të zhvilluar në oborrin e selisë rozë u organizua një takim, ku i pranishëm ishte kryeministri Edi Rama.
Nuk kanë munguar edhe ata që quhen “xhaketat e vjetra” të PS, që tashmë janë tërhequr nga politika aktive.
Në këto foto shihet që Rama shtrëngon duart me Arta Daden, por edhe me ish eksponentë të tjerë të PS.
Ndërsa vihet re mungesa e liderit historik, Fatos Nano, nuk kanë munguar emra të tjera si Gramoz Ruçi, Valentina Leksaj, Namik Dokle, Et’hem Ruka, Spartak Braho, Musa Ulqini etj.
Kryeministri Edi Rama nuk ka mbajtur një fjalim, por ka deklaruar shkurt: Rroftë Partia Socialiste.
