Kreu i Partisë Demokratike Lulzim Basha ka mbërritur në Pallatin e Kongreseve, ku ka nisur Kuvendi Kombëtar i thirrur prej tij.
Basha u fut në sallë i rrethuar nga deputetët e Grupit Parlamentar të PD-së, ndërsa të pranishmit e pritën me ovacione duke nisur kështu Kuvendin Kombëtar që po mbahet me moton “Zgjedhim të ardhmen”.
Në Kuvendin e Lulzim Bashës nuk pritet që të ketë përjashtime nga radhët e partisë, por në statut pritet të vendoset një sanksion, se të gjithë ata që janë shpallur non grata, nuk mund të zgjidhen në strukturat drejtuese. E padyshim ky nen shkon për Berishën.
