Në foltoren e Parlamentit e shohin rrallë, megjithatë, Fadil Nasufi nuk mungon në dinamikat e jashtme të Parlamentit.
Deputeti, i cili prej shumë vitesh ka zgjedhur të vijë serioz në look-un e tij, duket se vitet e fundit ka vendosur të ndryshojë pak stil.
Pasi e pamë sesionin e shkuar parlamentar me atletet luksoze, Nasufi duket se ka vendosur që të ruajë disi stilin e tij të ri, sportiv.
Kështu, këtë javë, deputeti i Beratit, kishte zgjedhur që veç kostumit të tij serioz, të vendosë edhe një kapele të zezë tërësisht sport.
Një kombinim ky që nuk e ndeshim shpesh në ambientet e Parlamentit, por duket se Nasufi ndjehet komod, dhe kjo është ajo që ka më shumë rëndësi për të.
