Lulzim Basha është çdo të enjte pjesë e Parlamentit. Kryetari i Partisë Demokratike nuk mungon në seancat plenare dhe veç fjalës së tij në foltore, nuk mungon as edhe një traditë tjetër.
Ajo e mbërritjes në ambientet e Parlamentit i shoqëruar nga grupi i tij parlamentar. Është kjo pamja që shohim thuajse çdo të enjte, ku si gjithnjë, Basha vjen me deputetët e tij dhe qëndron gjithnjë në mes të tyre.
Të buzëqeshur, gjithnjë bashkë, ashtu ishte pamja edhe këtë të enjte. Ajo që ra në sy ishte pikërisht fakti se deputetët e Bashës e kishin rrethuar kryetarin e tyre dhe vijonin bisedën paqësisht.
Pa tensione mes palëve dhe gjithnjë nën shoqërinë e njëri-tjetrit, janë këto foto që na serviren nga ky grup parlamentar, që mesa duket gëzon raporte të mira shoqërore, veç bashkëpunimit të ngushtë që kanë.