Kemi parë shpesh ministra e politikanë që kanë pranë vetes gjithmonë ndihmën e truprojave të tyre.
Shpesh herë i kemi parë teksa i mbajnë çadrat, çantat, dosjet e rënda, apo edhe i hapin dyert e makinës, teksa zbresin apo hipin. Më të privilegjuarit janë edhe ministrat, që për shkak të postit të tyre, kanë gjithnjë përkujdesjen e Gardës.
Por ky duket se nuk është rasti i Mirela Kumbaros. Ministrja ka mbërritur me makinën e saj në oborrin e Parlamentit dhe nga pamjet, ndonëse e ngarkuar, nuk ka preferuar që të marrë ndihmë nga shoferi.
Ndryshe nga shumë kolege të sajat, Kumbaro ka zgjedhur që ta hap vetë derën e makinës, madje teksa nxiton të zbresë, merr edhe dosjet e çantën. Nga ana tjetër shoferi i saj vetëm sa e shoqëron me sy dhe nuk zgjedh ta ndihmojë, me gjasë pas fjalës së saj.
Një rast ky që shumë shpesh e shohim tek disa personazhe të caktuar, por thuajse nuk e shohim asnjëherë te disa të tjerë, që shoqërohen në çdo hap nga shoferët dhe truprojat e tyre.