Antoneta Dhima bën pjesë tek ato deputete që pak vend lë për ta komentuar në veshje, apo në miqësitë që ka në Parlament.
Deputetja e Fierit zgjedh gjithnjë kolegët për të bërë ato pak biseda deri tek ambientet e selisë së Parlamentit. Ndaj edhe afërsia e saj me deputeten e Partisë Demokratike, na tërhoqi disi vëmendjen.
Dhima dhe Ina Zhupa kanë dalë së bashku nga seanca plenare, ku edhe pse afër me njëra-tjetrën, nuk duken sikur kanë konfidenca të mëdha mes tyre. Deputetja e Partisë Demokratike sapo e ka kuptuar që po fotografohej nga paparaci ynë, ka vendosur të përshëndesë me simbolin e PD.
Nga ana tjetër, deputetja e PS ka vijuar rrugën disi më ndarasi nga kolegia e saj, duke u distancuar si nga simboli që ajo bëri, ashtu edhe nga biseda që po bënin të dyja.