Jemi mësuar ta shikojmë si një ndër deputetët aktivë, ku prezencën e tij në Parlament, shpesh e ka shoqëruar edhe me simbole në veshjen e tij. Si një mënyrë kjo për të bërë opozitën me çdo instrument, duke kaluar edhe profilin e deputetit.
E kemi fjalën pikërisht për Dash Sulën, që kur vjen puna për të bërë politikë, është gjithnjë ndër më të angazhuarit. Por, duket se përfshirja e tij në politikë, nuk e ka kushtëzuar edhe nga roli i tij si baba.
Pasi mbyll angazhimet e tij si deputet, Sula i përkushtohet familjes dhe pasioneve të tij. Paparaci ynë ka mundur t’i shkëpusë imazh, ku shfaqet së bashku me djalin e tij në rrugë.
Duhet thënë se kur është fjala për familjen e tij, deputeti i Partisë Demokratike ka preferuar që mos të flasë, duke preferuar që të fokusohet vetëm te detyra e tij. Ndaj, edhe kjo shkrepje mendojmë që do të jetë nga të rrallat që do të na zërë syri.
