Ky Fitër Bajram ka qenë ndryshe për besimtarët myslimanë anembanë botës. Për shkak të COVID-19, besimtarët dhe klerikët janë detyruar që të marrin masa që të shmangin përhapjen e pandemisë.
Bajrami festohet tradicionalisht me lutje në xhami, me vizita familjare, me ëmbëlsira dhe shpërndarje të dhuratave.
Këtë herë shumë vende myslimane janë kufizuar në festimin e Fitër Bajramit për shkak të paraqitjes se koronavirusit.
Al Jazeera ka bërë një përmbledhje me fotografi të myslimanëve në vende të ndryshme të botës duke u lutur për këtë Fitër Bajram.
Nga Sofja deri Peshavar të Pakistanit myslimanët u falën në ambient të hapur.