Kryeministri Edi Rama ka zhvilluar një takim me delegacionin e senatorëve amerikanë në Samitin e NATO-s në Vilnius të Lituanisë.
Lajmin e ka bërë të ditur vetë Rama përmes një reagimi në Facebook, ku ka ndarë edhe fotografi nga takimi.
Në reagimin e tij, krahas fotove Rama shkruan se takimi u zhvillua për situatën e tensionuar në veri të Kosovës, që sipas tij duhet ndalur një orë e më parë dhe palët duhet t’i kthehen dialogut.
Reagimi i Ramës:
📍Vilnius, Lituani – Me delegacionin e Senatorëve Amerikanë në Samitin e NATO-s, në një takim të kërkuar prej tyre nisur nga shqetësimi për situatën në Veriun e Kosovës dhe qasjen jokonstruktive të palëve, e cila ka çuar në një përshkallëzim të rrezikshëm që duhet ndalur një orë e më parë, për t’u kthyer në tryezën e Dialogut duke finalizuar Marrëveshjen e Normalizimit🇦🇱🤝🇺🇸