Franca ka anuluar fushatën e Këshillit Evropian kundër diskriminimit ndaj grave që mbajnë shami.
Ministrja e Shtetit për Rininë e Francës, Sarah El Hairy në një deklaratë për kanalin televiziv LCI tha se fushata në fjalë e njësisë kundër diskriminimit të Këshillit Evropian e tronditi atë.
Ajo pretendon se kjo fushatë ishte kundër vlerave të Francës. “Videoja (e fushatës) inkurajon mbajtjen e shamisë. Ne e dënojmë këtë. Franca shprehu mosmiratimin e saj për këtë fushatë (në Këshillin e Evropës) dhe fushata u anulua”, tha El Hairy.
Duke u shprehur se kanë theksuar reagimin e tyre edhe ndaj Këshillit të Evropës, El Hairy tha se kanë mbrojtur laicizmin dhe lirinë fetare, por kjo fushatë mbrojti shaminë.
Pasi Franca siguroi anulimin e kësaj fushate, Këshilli i Evropës fshiu postimet e fushatës në llogarinë e saj në Twitter.
Për këtë fushatë kanë reaguar edhe shumë politikanë në vend.
Në artikullin e gazetës “Le Figaro”, thuhet se Komisioni Evropian ka siguruar financimin e kësaj fushate në kuadër të programit “Ligj, Barazi dhe Shtetësi”.
Këshilli i Evropës më 28 tetor nisi një fushatë kundër diskriminimit ndaj grave që mbajnë shami. Në llogarinë e Këshillit Evropian në Twitter u publikuan Imazhe të grave me shami të njësisë kundër diskriminimit ku në postim thuhet: “Liria është në shami”, “Shamia ime është zgjedhja ime”, “Sill lumturi dhe pranoje shaminë time” dhe “Ashtu siç është bukuria në diversitet edhe liria është në hixhab”.
