Sulmi ndaj rezidencës së Nensi Pelosit, kryetares së Dhomës së Përfaqësuesve nga i cili mbeti i lënduar bashkëshorti i saj, ka shtuar frikën për trazira të dhunshme në Shtetet e Bashkuara vetëm 2 javë para zgjedhjeve të pjeshme.
Autoritete amerikane kanë shpërndarë një buletin për organet ligjzbatuese për një rrezik të shtuar ndaj familjeve apo kandidatëve nga indivitë të lidhur me ideologji ekstremiste.
Pas sulmit ndaj bashkëshortit të Pelosit, Departamenti Amerikan i Drejtësisë njoftoi se një burrë nga Pensilvania ishte shpallur fajtor për kërcënime të shumta me vdekje me telefon kundër kongresmenit demokrat Eric Sëalëell nga Kalifornia. Kërcënuesi kishte thënë se ai do të shkonte në Kapitol me një armë zjarri.
Autoritetet amerikane zbuluan gjithashtu se sulmuesi i Pelosit ishte i lidhur me organizatën QANON, grupim ky pro Trump që beson se vendi drejtohet nga Deep State.
Demokratët thonë se vetë demokracia amerikane është në rrezik, për shkak të kandidatëve të shumtë republikanë që kanë refuzuar të pranojnë rezultatet e zgjedhjeve presidenciale të vitit 2020. Nga ana tjetër Republikanët pohojnë se pushteti i Biden është bërë i rrezikshëm për demokracinë që nga mënyra sesi ai erdhi në pushtet dhe sesi po e zhvillon politikën e SHBA-se.
Numri i rasteve që përfshijnë kërcënime ndaj anëtarëve të Kongresit është rritur çdo vit që nga viti 2017. Në tre muajt e parë të vitit 2022, departamenti ka dokumentuar më shumë se 1800 incidente.
