Drejtori i Urgjencës, Skënder Brataj ka komentuar lirimin ose jo të masave të marra ndaj koronavirusit. Në fjalën e tij, Brataj u shpreh se nga lirimi i masave rrezikohet shtimi i numrit të të infektuarve, duke dhënë edhe rastin e Gjermanisë.
“Nëse do kemi 1 mijë të infektuar do kemi 250 të shtruar, 25% e tyre do të kenë nevojë për terapi intensive. Po nëse na vijnë më shumë? Do gjendemi si Italia. Dhe kurrë nuk dua të zgjedh për jetën e pacientëve të mi në bazë të moshës,”-tha Brataj.
Ndërsa në fjalën e tij, Saimir Kodra kërkoi lirimin e masave duke u shprehur se qytetarëve të vendit u janë bërë refleks tashmë ruajtja e distancës dhe përdorimi i masave. Si shembull Kodra ka marrë edhe aksionin e dikurshëm të ish-ministrit të Brendshëm, Saimir Tahiri.
“Na janë bërë maskat dhe alkoli si ajo nisma e Tahirit me rripin. Edhe sot e vëmë se na është bërë ves nga frika e gjobës. Edhe me koronën kështu na është bërë. Nuk po na ndajmë dot alkoolin dhe maskat,”-tha moderatori.
