Frikë se mund të largohen jashtë vendit/ SPAK kërkon masën “Arrest me burg” për ish drejtorin e RTSH-së dhe tre ish-vartësit e tij

Thoma-gellci-1.jpg

Ndajeni këtë artikull me të tjerë duke klikuar ikonat më poshtë

Prokuroria e Posaçme Kundër Korrupsionit dhe Krimit të Organizuar, ka dorëzuar në Gjykatën e Posaçme, kërkesën ndaj ish drejtorit të Përgjithshëm Thoma Gëllçin, dhe tre ish vartësit e tij, që personat në fjalë të mbahen në “Arrest me burg”.

Tashmë gjykata do caktojë orën për zhvillimin e masës së sigurisë, masë e cila pritet të zhvillohet nesër në GJKKO.

Më 5 tetor prokuroria e SPAK, i kërkoi GJKKO-së vendosjen e masës arrest me burg ndaj ish-zyrtarëve, pasi nga përgjimet e kryera kishte marrë indicie që shtetasit që kishin abuzuar me tenderin e kanalit RTSH Agro, mund të dilnin jashtë Shqipërisë. Gjyqtarja Flora Haradinaj firmosi urdhër arrestet të cilat u ekzekutuan pasditen e 7 tetorit.

Sipas SPAK, Gëllçi ka shpallur procedurën e tenderit përpara se të merrte miratimin nga AMA dhe Bordi për hapjen e kanalit TVSH AGRO. Në tenderin për blerjen e pajisjeve si kamera dhe tjera, kanë qenë dy kompani EURO Contact dhe TBS 96. Anëtarët e KVO kanë shpallur TBS 96 fituese edhe pse kishte ofertë 20 mln më të lartë.

Referuar dosjes, që Fax News disponon të dyja kompanitë kanë pasur parregullsi në dokumentacion dhe duheshin skualifikuar.

Dy ditë më parë me urdhër të SPSAK u arrestua ish-drejtori i RTSH-së Thoma Gëllçi dhe 3 bashkëpunëtorë të tij.

Së bashku me Gëllçin në pranga ranë edhe 3 anëtarët e Komisionit të Vlerësimit të Ofertave, Ervin Muraj, Alban Malaveci dhe Julian Tapia.

Ndajeni këtë artikull me të tjerë duke klikuar ikonat më poshtë