Banesat që ndodhen pranë përroit të Zaranikës në Elbasan rrezikojnë të përmbyten. Ky përrua është fryrë këtë të diel për shkak të reshjeve të dendura të shiut, duke u shndërruar kështu në rrezik nga momenti në momenti për banorët që kanë shtëpitë e tyre aty pranë.

Sipas informacioneve, zyrat e Emergjencave Civile në Prefekturën e Elbasanit po e monitorojnë situatën me qëllim që të ndërhyjnë nga momenti në moment në rast rreziku për jetën.

Qyteti i Elbasanit, por jo vetëm, është “mbërthyer” nga moti i keq këtë të diel, ku reshjet kanë qenë të shumta dhe erërat të forta. Ky mot i keq ka shkaktuar edhe një trafik të rënduar në vend, ndërsa ka patur edhe pezullime të lundrimeve detare.

Subscribe kanalin tonë në Youtube për të mos humbur asnjë video të re