Deputetja demokrate Orjola Pampuri, i është përgjigjur ministres së Shtetit për Marrëdhëniet me Parlamentin, Elisa Spiropali, pasi kjo e fundit i bëri ftesë opozitës që të votojnë projektligjin për amnistinë penale.
Në reagim, Papuri thotë se Shqiptarët nuk kanë nevojë për nisma pas së cilave fshehin interesat e tyre politike dhe elektorale.
Sipas saj, interesi i qeverisë është t’i mbajë të varfër që t’i blejë më lehtë.
Reagimi i Pampurit:
Lotët e krokodilit të mazhorancës, se po i vjen keq për ata burra dhe gra që janë pas hekurave është përdorim i dramës njerëzore për propagandë.
Harroi Elisa Spiropali, se si futën në burg me qindra qytetarë se s’paguanin dot faturën e energjisë, ndërsa nga ana tjetër ishin lëshuar si hijena e vidhnin pasuritë e shqiptarëve.
Shqetësohet sot mazhoranca për amnistinë pas së cilës fsheh vetem interesat e saj dhe jo hallin e interesin e dhjetëra familjeve që kaluan vitin e ri pa ngrohje, me tavolinën bosh dhe pa asnjë shprese se dicka do ndryshojë në javet e muajt ne vijim.
Propaganda bajate as nuk ua zbeh dramat shqiptare që po u shkakton çdo ditë kjo qeveri dhe as nuk ua bën jetën më të mirë.
Shqiptarët nuk kanë nevojë për nisma pas së cilave fshehin interesat e tyre politike dhe elektorale.
Shqiptarët duan ndryshim, duan punësim, duan zhvillim ekonomik, duan te vendosin ata për qeverinë, dhe të ardhmen e tyre.
Por interesi i qeverisë është t’i mbajë të varfër që t’i blejë më lehtë.
