Një aksident tragjik ka ndodhur këtë të mërkurë në rrugën Gjirokastër- Sarandë në zonën e njohur si Qafa e Muzinës. Një makinë fuoristradë me drejtuese shtetasen me inicialet R.Ç, është përplasur me një furgon pasagjerësh.
Furgoni ka dalë nga rruga dhe ka rënë nga një lartësi prej disa metrash. Për pasojë kanë ndërruar jetë 5 persona, mes tyre dhe shoferi i furgonit. Ky i fundit, bënte rrugën Tiranë- Sarandë prej mëse 15 vitesh.
Policia ende nuk ka dhënë një njoftim zyrtar në lidhje me dinamikën e aksidentit.
“Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P. Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.”-thuhet në njoftimin paraprak të policisë.
Tre prej 5 viktimave janë identifikuar. 2 nga të ndjerët, ishin një çift bashkëshortësh të moshuar, ndërsa viktima e tretë është shoferi 51 vjeçar. Dy personat e tjerë ende nuk janë identifikuar.
Fillimisht policia ka raportuar për 4 persona të vdekur e më tutje ka njoftuar se bilanci i viktimave është 5 persona.
Informacioni paraprak:
“Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P.
Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.
Për pasojë kanë humbur jetën 4 shtetas, të cilët ndodheshin në mjetin tip furgon.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
Informacion shtesë:
Në vijim të informacionit paraprak për aksidentin ku u përplasën mjetet tip “Land Rover” me mjetin tip furgon dhe si pasojë humbën jetën 4 shtetas, ju informojmë se ka ndërruar jetë dhe një shtetas tjetër i cili ishte pasagjer i mjetit tip furgon.