Akademik Artan Fuga foli ditën e sotme për fushatën elektorale të partive politike për zgjedhjet e 14 Majit.
Ai tha në një intervistë në Panorama TV se maxhoranca kishte një avantazh elektoral për shkak të rezultatit në zgjedhjet e shkuara lokale.
Nga ana tjetër ai theksoi se problemet me identifikimin elektronik kanë rritur mosbesimin në lidhje me rregullsitë e procesit.
“Modeli është i tillë që i jep avantazhe forcave qeverisëse. Pushteti lokal duhet pasur katër vite duart të lira i kishte të gjitha mundësitë të kishte një avantazh elektoral shumë të madh në raport me opozitën. Opozita ishte në atë situatë që e dobësonte shumë në ato kushte që ishte.
Nuk kishte komisionerë, nuk kishte emrin e drejtuesit në fletën e votimit, nuk u lejua të mbante logon e vet, ishte e përçarë dhe vjen këtu te ajo që opozita thotë që kishte vjedhje, blerje dhe të gjitha me radhë. Ajo që kam parë unë ishte se situata në qendrat e votimit nuk dukej e qetë.
Fakti që identifikimi digjital i zgjedhësve pati defekte linte të kishte rritje të mosbesimit për saktësinë e zgjedhjeve. Këto janë fakte që dihen. Kur unë lexoj se 670 mijë vetëve i janë dërguar zarfa me lekë në shtëpi, unë nuk jam në gjendje të hamendësoj që të dalë një shqiptar ndër ta të thotë mua më kanë dhënë lekë”, deklaroi Fuga.
