Skip to content

“Gardian i çmuar i parave publike”, Sali Berisha zbulon “debatin” me Bashën për largimin e Ridvan Bodes

Ndajeni këtë artikull me të tjerë duke klikuar ikonat më poshtë

Sali Berisha ka deklaruar se kryedemokrati Lulzim Basha të gjithë personat që ishin kundër tij i hoqi pa u thënë asnjë fjale.

Gjatë foltores në Bilisht, Berisha ka thënë se të gjithë personat që ka hequr Basha e kanë marrë vesh nga radiot përjashtimin e tyre, ndërkohë që tregoi edhe rastin e Ridvan Bodës, për të cilin tha se ishte gardian i çmuar në PD.

Ai shtoi se Bode i duhet PD-së edhe pse është në opozitë, ku dhtoi se 8 vite të Bashës në PD janë 8 vite boshizëm.

“Hoqi Ridvan Boden, që është nga një fshat i këtij rrethi. Te ai nuk egziston respekti për kontributin e tij. E hoqi nga lista dhe i them si e bëre ti këtë? Unë i them ai është një nga njohësit më të shkëlqyer të financave në këtë vend. Ai ishte një gardian jashtëzakonisht i çmuar i parave publike.

Nuk vinte interes tjetër më të madh se ruajtjen e tyre. Sikur dhe në opozitë të jemi, na duhej ky ne në parlament. Sikur nuk egzistonte. Me radhë kështu veproi me tjerët. Kërkoi të krijonte bashizmin, por ta quajmë më mire boshizmin.

E konceptoi si një shkëputje nga PD. Po ti nga PD s’ke si shkëputesh. Ti mund të aplikosh parime të reja por jo të shkëputesh, sepse ne jemi parti tradicionale. Ne nuk mund të largojmë ata që kanë kontrinuar. 8 vite bashizëm janë 8 vite boshizëm, humbje dhe disfatë. Asnjëe minutë nuk mund të qëndrojë më në postin që ka”,tha Berisha.

Ndajeni këtë artikull me të tjerë duke klikuar ikonat më poshtë