Papa Françesku dënoi të shtunën sulmet ajrore të fundit izraelite në Gaza, duke shprehur keqardhjen për vrasjen e dhjetra fëmijëve palestinezë aty, siç ka ndodhur prej më shumë se një viti.
“Dje u bombarduan fëmijët. Kjo nuk është luftë. Kjo është mizori. Dua ta them këtë sepse më prek zemrën,” u tha ai anëtarëve të Curia-s Romake, administrata qendrore e Vatikanit. Ai shprehu gjithashtu keqardhjen që sulmet ajrore izraelite penguan kardinalin Pierbattista Pizzaballa, përfaqësuesi më i lartë i Kishës Katolike në Tokën e Shenjtë, të hynte në Gaza.
Izraeli ka vrarë më shumë se 45,000 njerëz, kryesisht gra dhe fëmijë, në Gaza që nga sulmi i Hamasit më 7 tetor 2023 dhe territori është kthyer në gërmadha.
Më 21 nëntor, Gjykata Penale Ndërkombëtare lëshoi urdhër-arrest për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me akuza për gjenocid para Gjykatës Ndërkombëtare të Drejtësisë për fushatën e tij ushtarake në enklavë.
Papa bëri thirrje gjithashtu për një hetim për të përcaktuar nëse sulmet e Izraelit në Gaza përbëjnë gjenocid, sipas fragmenteve nga një libër i ri i ardhshëm. /tesheshi.com/
