Ilir Meta ka sulmuar një ditë më parë diplomatët amerikanë në Tiranë, të cilët sipas tij, mbështesin Edi Ramën.
Ai tha se nuk pyet për ata, pasi po të dojë i kap për veshi.
Gazeta e Metës dhe LSI, sot ndërkohë shkruan se do të nxjerrin emrat e ndërkombëtarëve që paguhen nga Rama qindra mijëra euro.
“Qeveria e Rilindjes ka thyer çdo limit korrupsioni, ka rekordin sa as një qeveri tjetër në lidhjet e saj me krimin e organizuar, manipulon me mediat sa askush tjetër në këto 30 vite, blenë ndërkombëtarët në Tiranë, por dhe në Bruksel sa askujt nuk i shkon në mëndje se si lëvizin milionat e eurove në xhepat e kësaj shpure ndërkombëtarësh që na japin leksione për demokracinë.
Rilindja vodhi zgjedhjet politike, nuk zhvilloi zgjedhje lokale me parti të tjera, por si në kohën e diktaturës komuniste i mori vetë të gjitha; e prapë ndërkombëtarët e Tiranës, por edhe më tej, nuk flasin ose bëjnë sikur flasin, por prapë bëlbëzojnë hajdutçe.
Si qindra mijë eurot marrin në dorë apo kur shkojnë gjoja me çanta diplomatike te shefi Rilindjes?
E dalin buzagaz, pas takimit!
Jo të gjithë ndërkombëtarët marrin nga Rilindja, por disa po!
Dalëngadalë, si me dosjet e Dibrës, do dalin edhe emrat e këtyre ndërkombëtarëve që hanë në grazhdin e Rilindjes, tani para zgjedhjeve”, shkruan gazeta “Koha Jonë” e Nikoll Lesit, zërit zyrtar të Metës.
