Gazetari Habjon Hasani ka ironizuar ish ministrin e Jashtëm Paskal Milo dhe qasjen e tij ndaj “Minishengenit Ballkanik” apo siç quhet tashmë “Open Balkan”.
Përmes një postimi në rrjetin social Facebook, me nota humori Hasani i kujton Milos se në kohën që ai pretendon se ka marrë propozim nga George Soros për këtë projekt, Kosova ka qenë në luftë dhe Serbia nën shënjestrën e SHBA.
Ndër të tjera ai shkruan:
“Paskal Milo, ish-ministri i Jashtem i Shqiperise thote se krijimin e Mini Shengenit ne vitin 1999 ja propozoi George Soros, por shton se e refuzoi oferten e Soros.
Patjeter shoku Paskal, ne 1999 ne Kosove behej lufte dhe Serbia ishte nen goditje nga SHBA-te, Soros nuk te ka marre leje a i uruar, thjeshte te ka dhene sinjalin qe pasi te thahen plaget e luftes, perspektiva juaj do jete bashkepunimi dhe shuarja e doganave.
****
Pastaj Milo shton: Serbia eshte me e avancuar ekonomikisht dhe ne duhet ta shohim me kujdes kete marreveshje. Sipas Milos gjasat jane qe Shqiperia te sherbeje si treg konsumator i produkteve serbe.
Jalla more Paskal, po Serbia me e zhvilluar do jete, si me dogane si pa dogane.
Importues te Serbise kemi qene perhere, qe nga 1991 e ketej.
Problemi eshte se ndodhemi ne vitin 2021, ka rene muri i Berlinit, ka rene dhe Millosheviçi. Pra jemi ne rrethana te reja.
Ne lidhje me rrethanat e reja shoku Paskal nuk di te flase; dhe ska faj, sepse qe te flasesh duhet t’i kesh patur te menduara, te analizuara qe dje rrethanat e sotshme.
Ndaj dhe; i vetmi opsion i ish-ministrit te Jashtem shqiptar eshte te tregoje nai histori se si takova Filan Fistekun ne nje samit nderkombetar dhe mirupafshim”, ironizon gazetari Hasani. (TemA)