“Kaloi një grua” është ekspozita e fundit personale e autorit Gazmend Leka, e çelur në ambientet e Galerisë “Vilson Kilica”, në Fier. Përmes 8 tablove në vaj dhe 16 vizatimeve, autori ka himnizuar gruan.
Një ekspozitë e krijuar me kryefjalë nudon. Kjo ekspozitë është e para për këtë vit, që prezanton punët e piktorit Gazmend Leka, ku shfaqet imazhi i një gruaje.
Ekspozita, e cila ka ngjallur kureshtjen e publikut fierak, do të qëndrojë e hapur deri në datën 31 mars.
Vlerësuar me titullin “Mjeshtër i Madh”, sot piktori Gazmend Leka konsiderohet si një ndër autorët më të çmuar të kulturës shqiptare.
