Sulmet e Partisë Demokratike ndaj kryeministrit Edi Rama vijuan edhe këtë të shtunë. Numri dy i selisë blu, Gazment Bardhi akuzoi Ramën se po gënjen qytetarët për pagat e luftës. Sipas tij, premtimi i kryeministrit ishte që ata do t’i merrnin deri në fund të marsit, por nuk kanë marrë asgjë.
“E vërteta është se Edi Rama i ka gënjyer dhe braktisur qytetarët. Ai kapet çdo ditë në flagrancë duke gënjyer shqiptarët. Premtoi se gjithkush do të kenë pagesën në fund të muajit mars për bizneset e mbyllura, por marsi kaloi dhe ai nuk dha asnjë qindarkë.”
Bardhi shtoi se Rama po lë jashtë paketës së ndihmës mijëra binzese dhe qindra qytetarë në nevojë.
