Gjëma e radhës në shkollat amerikane

oxford-pucnjava-ap.webp.webp

Ndajeni këtë artikull me të tjerë duke klikuar ikonat më poshtë

Një nxënës 15-vjeçar hapi zjarr në një shkollë të mesme në shtetin e Miçiganit; ende nuk dihen motivet e sulmit.

Tre nxënës u vranë dhe gjashtë të tjerë u plagosën të martën, duke përfshirë një mësues, kur 15-vjeçar, nxënës gjithashtu, hapi zjarr në një shkollë të mesme në Miçigan.

Autoritetet e arrestuan dhe ia konfiskuan armën, por pasi kishte bërë gjëmën.

Ngjarja, nga ato tipiket në shkollat amerikane, ndodhi në shkollën e mesme Oxford në Oxford Township, rreth 50 kilometra në veri të Detroitit, tha Zyra e Sherifit të Qarkut Oakland, raporton AP.

Zëvendës Sherifi Michael Mçabe tha në një konferencë shtypi se nuk i dinte motivet e sulmit.

Policia mbërriti në shkollë në orën 12:55 të mëngjesit me kohën lokale (6:55 pasdite me kohën e Evropës Qendrore) në përgjigje të një numri të madh telefonatash që njoftonin se një person i armatosur ishte në shkollë, tha Mçabe.

Autoritetet arrestuan sulmuesin në shkollë dhe i konfiskuan një pistoletë gjysmë automatike dhe disa fishekë municionesh.

“Policët u përballën me të, ai kishte një armë me vete dhe ata e arrestuan atë,” tha McCabe.

Ai shtoi se i dyshuari nuk është lënduar me rastin e ndalimit dhe se nuk ka pranuar të thotë se si e ka futur armën në shkollë.

Shkolla u mbyll pas sulmit dhe disa fëmijë u fshehën në klasa të mbyllura ndërsa policia kontrolloi ambientet.

Më vonë ata u dërguan në një dyqan aty pranë, ku prindërit e tyre mund t’i merrnin.

McCabe tha se hetuesit do të shqyrtojnë postimet në mediat sociale për prova të një motivi të mundshëm.

Ndajeni këtë artikull me të tjerë duke klikuar ikonat më poshtë