Policia ka gjetur në Kurbin një automjet të denoncuar si të vjedhur në Durrës. Automjeti tip “GLK” u gjet në aksin rrugor “Thumanë – Milot”, në fshatin Gjormë. Drejtuesi i mjetit të vjedhur është larguar me shpejtësi sapo ka konstatur prezencën e uniformave blu. Ai ka braktisur mjetin dhe ka vrapuar, duke mundur t’i shpëtojë arrestimit.
Policia ende nuk ka dhënë detaje mbi identitetin e grabitësit.
