Një makinë u përplas në një treg Krishtlindjesh në Magdeburg të Gjermanisë të premten, me qeverinë shtetërore të Saksoni-Anhalt që e quajti atë një akt terrorizmi.
Informacionet e para flasin për të paktën 11 të vdekur dhe 80 të plagosur, shumë prej të cilëve janë në gjendje të rëndë.
Shoferi u arrestua menjëherë pas sulmit.
BREAKING: Vehicle plows into crowd at Christmas market in Magdeburg, Germany, leaving multiple victims
— Insider Paper (@TheInsiderPaper) December 20, 2024
Mediat dhe autoritetet gjermane thonë se personi i arrestuar për sulmin terrorist është një shtetas saudit, 50 vjeç, me profesion mjek, i cili jeton dhe punon në Gjermani që nga viti 2006. Ai nuk ishte i njohur për autoritetet si problematik.
Sipas informacioneve, ai e kishte marrë me qira automjetin disa orë para sulmit.
Dëshmitarët okularë, sipas gazetës gjermane, thonë se makina, një BMW e zezë, është përplasur në orën 19:04 të së premtes në turmën në sheshin para bashkisë.
Videot në mediat sociale tregojnë një makinë që kalon me shpejtësi në turmë dhe njerëz që vrapojnë në panik nga vendi i ngjarjes. Makina ka ecur të paktën 400 metra në treg.
Në mediat gjermane, dëshmitarët okularë thonë se makina e sulmuesit pasi ka kaluar barrierat është përplasur në një treg me disa familje. Ata shtojnë se drejtuesi i mjetit lëvizte në mënyrë zigzage.
Kur shoferi tentoi të bënte një kthesë, ai u ndalua nga policia dhe u arrestua.
Tregu i Krishtlindjeve i Magdeburgut ndodhet në Sheshin e Tregut të Vjetër, pranë bashkisë së qytetit, pranë lumit Elba.
