Kjo është historia prekëse e një babai, i cili u shua për shkak të një sëmundje të rëndë. Duke ditur se jetës së tij po i vinte fundi prej kancerit në pankreas, ai vendosi të bëjë atë që bën çdo prind… të mundohet të lumturojë fëmijën e tij.
Majkëll ishte 56 vjeç dhe brenda 6 muajve, sëmundja e mori me vete. Vajza e tij e vogël, 17 vjeçe, la shkollën për t’u përkujdesur për të atin e për t’i dalë në krah nënës.
Pak para se të largohej nga kjo botë, Majkëll kishte shkruar disa letra e porositur disa buqeta me lule për vajzën e vogël. 56 vjeçari e dinte se do të ikte së shpejti dhe kishte programuar disa surpriza për të bijën, Bejlin.
Për 4 vite me radhë, pas vdekjes së 56 vjeçarit, buqeta me lule e letra urimi erdhën në adresë të Bejlit. Në 21 vjetorin e saj, ajo postoi në rrjetin social buqetën e fundit të luleve nga i ati, ndërsa në letër shkruhej:
“Bijë, kjo është letra ime e fundit e dashurisë për ty… derisa të takohemi sërish. Nuk dua që të derdhësh më asnjë lot për mua, zemra ime, sepse unë tashmë jam në një vend më të mirë”
