Home SHQIPERIA Gjiknuri ultimatum: Hiqni tabelat e objektet e paligjshme në akset kombëtarë

Gjiknuri ultimatum: Hiqni tabelat e objektet e paligjshme në akset kombëtarë

0

Ndajeni këtë artikull me të tjerë duke klikuar ikonat më poshtë

Duke filluar nga kjo e hënë, brenda 15 ditëve te ardhshme, çdo objekt i paligjshëm buzë rrugëve kombëtare do të hiqet. Ultimatumi u dha nga ministri i Infrastrukturës dhe Energjisë Damian Gjiknuri, gjatë një inspektimi në zonën e Shkozetit. Sipas Gjiknurit, ky aksion ka si qëllim pastrimin e nyjeve dhe hapësirave në akset kryesore kombëtare.
 
“Keni vetëm 15 ditë kohë që të bëni në mënyrë vullnetare çmontimin e çdo aktiviteti civil/ekonomik pa leje, heqjen e çdo tabele që nuk ka lidhje me sinjalistikën rrugore por e pengon atë. Në përfundim të këtij afati, strukturat përkatëse do të ndërhyjnë në të gjithë akset kombëtare. Nuk do të ketë asnjë tolerancë. Në përfundim të të gjitha fazave të operacionit, hyrje-daljet e akseve kombëtare, nyjet dhe hapësirat do të pastrohen plotësisht”.
 
Sipas Gjikunurit, tabelat që do të hiqen kanë penguar sinjalistikën rrugore, e në shumë raste janë bërë burim aksidentesh.
 
“Bazuar mbi hartat, listën e pikave të zeza të evidentuara nga Autoriteti Rrugor Shqiptar si dhe verifikimet në terren, jemi duke analizuar të gjitha pikat për ndërhyrje, duke i klasifikuar ato sipas rriskut.  Për shkak edhe të ekzistencës së problematikave të trashëguara e të pazgjidhura, që lidhen edhe me çështjet e pronësië, operacioni do të zhvillohet në disa faza. Si fazë e parë, do të fillohet me ndërhyrjen në rastet ku ka nevojë vetëm për pastrim dhe nuk ka implikime pronësore. Paralelisht do bëhet identifikimi, fotografimi dhe verifikimi i situatës së pronësisë lidhur me hapësirat dhe nyjet e rrjetit në akset kryesore rrugore.  Në një fazë të mëvonshme do të kalohet në ndërhyrjen e sistemuar sipas projekteve specifike aty ku ka nevojë për shpronësim, pastrim, sistemim dhe gjelbërim”.
 
Tabelat dhe objektet e paligjshme ndodhen prej vitesh ne gjithe akset nacionale, por ato nuk janë hequr edhe pse kane qenë në kundërshtim me ligjin. Autoritetet e ministrisë pranojnë se kjo paligjshmëri është toleruar nga Autoriteti Rrugor Shqiptar dhe strukturat e tjera përgjegjëse.
 

Ndajeni këtë artikull me të tjerë duke klikuar ikonat më poshtë