Pas tre muajsh izolim e mësim nga shtëpia, rinisin shkollat për rreth 31 mijë maturantë në vend.

Gjimnazet kanë rihapur dyert mëngjesin e sotëm në Shqipëri, për herë të parë që prej mbylljes në mars për shkak të shpërthimit të koronavirusit.

Ministria e Arsimit ka njoftuar më herët se janë rreth 500 gjimnaze që sot hapin dyert për 31 mijë maturantë.

Sipas udhëzimit të nxjerrë nga ministria e Arsimit, maturantët do të jenë për tre javë në shkollë, për gjithë konsultimet e nevojshme para provimeve të Maturës Shtetërore.
Ata do të zhvillojnë mësim në klasa duke ruajtur rreptësishtë distancën e në kushte të tjera të sigurisë për shkak të pandemisë.

Ndërkohë që do të bëjnë konsultimet për matematikën, letërsinë, anglishten dhe lëndët me zgjedhje, në muajin qershor do të zhvillohen provimet.

Subscribe kanalin tonë në Youtube për të mos humbur asnjë video të re