Presidenti i Malit të Zi, Milo Gjukanoviç, tha në Budva se karakteristikë e rajonit të Ballkanit Perëndimor është se “kemi një përballje mes dy pikëpamjeve për të ardhmen e rajonit”.
Ai vlerësoi se situata në Ballkan sot është më e keqe krahasuar me gjashtë vjet më parë.
Gjukanoviç foli në panelin presidencial me presidentin slloven Borut Pahor për perspektivën e Ballkanit Perëndimor.
“Pas përfundimit të luftrave(Bosnje dhe Kosovë), deri para disa vitesh kishim një lloj entuziazmi. Pas kësaj ka pasur një përplasje. Njëra është entuziazmi që nxiti të gjitha strukturat shoqërore për reforma që duhej të çonin në miratimin e standardeve, të cilat do të na çonin drejt anëtarësimit në BE në të ardhmen e afërt. Në kundërshtim me atë politikë, tani ka një front të fortë rezistence të atyre që janë në favor të status quo-së dhe që mendojnë se BE-ja është një qytetërim i kalbur dhe se është më mirë që Ballkani të qëndrojë në shtigjet e veta dhe të vendoset nën ombrellën e sigurisë së Rusisë”, tha Gjukanoviç.
Ai tregon se kjo vërehet edhe në Mal të Zi.
“Gjashtë-shtatë vitet e fundit, pas tezës së lançuar më parë për lodhjen e BE-së nga zgjerimi, ne fillimisht kemi pasur një ngecje, pastaj një paralizë të politikës së zgjerimit. Nuk ka vakum në gjeopolitikë; ku nuk ka BE, hyjnë të tjerët. Të paktën tre vende aplikuan për të mbushur atë vakum dhe më keqdashësja është politika hibride e Rusisë ndaj Ballkanit”, theksoi Gjukanoviç.
Ai vlerësoi se situata në Ballkan është më e keqe se gjashtë deri në shtatë vjet më parë.
“Ka dy arsye – e para është se kemi zhgënjim në publikun e Ballkanit Perëndimor, ka më pak njerëz që besojnë në të ardhmen e parashikueshme të BE-së dhe këtë e dëshmojnë informacionet që na kanë dhënë liderët e rajonit. Kam dëgjuar nga kryeministri i Maqedonisë së Veriut dhe presidenti i Serbisë se politika evropiane nuk ka më politikë të shumicës në ato vende”, tha Gjukanoviç.
Ai tha gjithashtu se aktiviteti rus në zonën e Ballkanit Perëndimor ishte shumë malinj.
“Ne jemi dëshmitarë të një shkatërrimi serioz evropian të Ballkanit Perëndimor. Në një mjedis të tillë janë zgjuar politika nacionaliste. Presidenti rus Vladimir Putin nuk vepron në mënyrë specifike në Ballkanin Perëndimor, ai vepron kundër Perëndimit. Ai inkurajon politikat anti-evropiane në Ballkani Perëndimor”, tha Gjukanoviç.
