Gjykata e Elbasanit vendosi masën e sigurisë “arrest me burg” për 80-vjeçarin Xhevit Sinani që vrau me sëpatë bashkëshorten dhe vëllain e tij.
Seanca u zhvillua me dyer të mbyllura, ndërsa i moshuari u shfaq i qetë dhe pa pendesë para trupit gjykues për krimin. mësohet se në dëshmitë e tij autori i vrasjes së dyfishtë ishte i paqartë në deklarata. Ai mohoi që të kishte vrarë bashkëshorten 74-vjeçaren Zeqine Sinani si dhe të vëllain 73-vjeçarin Shaqir Sinani.
Autori rrëfeu gjatë seancës për masën e sigurisë se ishte në shtëpinë e vëllait 73-vjeçari, Shaqir Sinani por ky i fundit ishte rrëzuar në oborr dhe humbi jetën. Më pas autori tregoi se pasi e rregulloi të vëllain shkoi drejt banesës së tij, por dhe bashkëshorten e gjeti të pajetë.
XHEVIT SINANI
AUTOR I VRASJES
Vëllai kishte përdorur një ilaç në vesh. Më pas kishte dalë në oborr dhe ishte rrëzuar, ishte vrarë. E mbulova vëllanë dhe ika te gruaja. Por edhe gruaja ishte vrarë.
Avokati mbrojtës kërkoi që i moshuari t’i nënshtrohet vizitave mjekësore, pasi ka probleme të shëndetit mendor. Kërkesë kjo që u aprovua nga trupi gjykues që vendosi ta mbyllë në qeli autorin e krimit të dyfishtë.
Në seance nuk ishte i pranishëm asnjë prej familjarëve të 80-vjeçarit Xhevit Sinani.
Krimi i dyfishtë brenda familjes ndodhi të premten në fshatin Tervol të Gramshit, ku autori masakroi më sëpatë vëllain të cilin e goditi nga mbrapa koke e më pas vrau mizorisht edhe bashkëshorten.
