Në Gjykatën e Apelit të Juridiksionit të Përgjithshëm është shtyrë seanca ndaj deputetit të PD, Ervin Salianji.
Në këtë seancë raportohet se për arsye shëndetësore avokati i tij nuk është paraqitur.
Avokati Ledio Braho ka bërë një kërkesë që seanca të shtyhet, kërkesë e cila është marrë në konsideratë.
“Nuk mund të jem i pranishëm për arsye shëndetësore”, thuhet në kërkesën e avokatit.
Prokurori ka deklaruar se seanca nuk mund të vazhdojë dhe ka kërkuar shtyrjen e procesit në një datë tjetër.
Nga ana tjetër, avokati i Geron Xhafajt ka deklaruar se mungesa e Salianjit është e qëllimtë dhe ka kërkuar caktimin e një mbrojtësi ligjor kryesisht dhe vijimin e seancës.
Seanca e radhës u caktua për në 8 maj në orën 10:00.
