Gati 500,000 njerëz që janë qytetarë të BE-së dhe jetojnë në Mbretërinë e Bashkuar duhet të aplikojnë për statusin e ri të imigracionit që i duhen për të qëndruar në atë vend pas Brexit, raporton Reuters.
Qeveria ka bërë ndryshimet më të mëdha në kontrollin e kufijve britanikë në dekadat e fundit, dhe pas Brexit, migrantët e BE-së nuk do të kenë më statusin e përparësisë ndaj atyre në vendet e tjera.
Statistikat zyrtare tregojnë se gjithsej tre milion qytetarë të vendeve të BE kanë aplikuar për të ashtuquajturat “statusi i vendosur”, domethënë statusi i qëndrimit të përhershëm, një lloj leje nga qeveria për të mbetur në Britani.
Për të qëndruar në Britani, qytetarët evropianë duhet të aplikojnë për statusin e qëndrimit të përhershëm deri në fund të qershorit 2021.
Të gjithë qytetarët e shteteve anëtare të BE-së kanë të drejtë të aplikojnë për këtë status nëse ata kanë jetuar në vend për më shumë se pesë vjet pa shtetësi, ose mund të bëjnë kërkesë për status para vendimit, të ashtuquajturin “statusi i parakohshëm”, nëse ata qëndrojnë më pak se pesë vjet.
Ky është një lloj i ri i statusit të imigrantëve i futur pikërisht për qytetarët e BE-së, i cili duhet t’u lejojë atyre të qëndrojnë dhe të jetojnë dhe të punojnë në Britani normalisht.
