Një Sukhoi Su-57, i padukshëm për radarët, u rrëzua të martën në Lindjen e Largët të Rusisë gjatë një fluturimi provë, njoftoi prodhuesi i avionëve, përplasja e parë e avionit luftarak më të përparuar të Rusisë.
Korporata e Bashkuar Ajrore e Rusisë (UAC), e cila zotëron fabrikën e prodhimit të avionëve, njoftoi se aksidenti ka ndodhur në rajonin e Khabarovsk dhe se piloti u katapultua me sukses para rrëzimit.
Ministria e Mbrojtjes do të hetojë aksidentin, i cili duket se është shkaktuar nga një mosfunksionim në sistemin e menaxhimit të avionit, njoftoi TASS, duke cituar dy burime ushtarake.
Avioni i rënë është një nga të parët në llojin e tij dhe është planifikuar të dorëzohet në Forcën Ajrore Ruse deri në fund të këtij viti, njoftoi Interfax.
Prototipi i avionit, i cili pritet të garojë me gjuajtësin amerikan F-22 Raptor, u ngrit për herë të parë në janar 2010.
Su-57 u prezantua për herë të parë para publikut në paradën vjetore të Sheshit të Kuq, majin e kaluar. Dy aeroplanë të këtij lloji më pas fluturuan mbi Moskë.
Shikoni se për çfarë avioni flitet në një video të realizuar gjatë fluturimit në Siri.
https://youtu.be/ixlKGAM6mhU