Policia ka dhënë detaje nga grabitja e një shume prej 2.2 milionë lekëve në zyrat e Drejtorisë së Ujësjellësit të Kuçovës.
Sipas uniformave blu, nga këqyrja e vendit të ngjarjes nuk janë konstatuar dëmtime të dyerve dhe dritareve, por vetëm të kasafortës ku ndodhej shuma e parave.
Ndërkohë po hetohet për të zbardhur ngjarjen, si dhe për të identifikuar dhe arrestuar autorin/ët.
Mësohet se grabitësit kanë vjedhur një shumë prej 2.2 mln lekë të vjetra të pagesave për ujin e pijshëm.
LEXONI EDHE: Grabiten lekët e pagesave të ujit në pijshëm, hajdutët “shqyejnë” arkën dhe marrin 2.2 milionë lekë
Njoftimi i policisë:
Kuçovë/ Rreth orës 08:00, është marrë njoftim se në zyrat e Drejtorisë së Ujësjellësit të Kuçovës, është vjedhur një shumë parash.
Menjëherë në vendngjarje kanë shkuar shërbimet e Policisë dhe grupi hetimor, të cilët në drejtimin e Prokurorisë së Beratit, po kryejnë të gjitha veprimet hetimore, për të identifikuar dhe nxjerrë përpara përgjegjësisë penale, autorin/ët e rastit.
Nga këqyrja e vendit të ngjarjes nuk janë konstatuar dëmtime të dyerve dhe dritareve, por vetëm të kasafortës ku ndodhej shuma e parave.
Vijojnë hetimet për të zbardhur dhe dokumentuar me prova ligjore, rrethanat e rastit, si dhe për të identifikuar dhe arrestuar autorin/ët.
Materialet procedurale do t’i kalojnë Prokurorisë pranë Gjykatës së Shkallës të Parë të Juridiksionit të Përgjithshëm Berat, për veprime të mëtejshme, për veprën penale “Vjedhja”.
