Familjet e mbetura shqiptare në kampin sirian do të kthehen së shpejti në Shqipëri. Lajmin e ka konfirmuar një gazetar i NBC, i cili ka përcjellë dhe një foto të 5 grave e tre fëmijëve nga kampi Roj, teksa shkruan:
“Departamenti i Jashtëm në Administratën Autonome njoftoi se ata do i dorëzojnë disa familje të ISIS qeverisë shqiptare. Fotografia e disa grave dhe fëmijëve shqiptarë në kampin Roj”, shkruan gazetari
#BREAKING Foreign department at the Autonomous Administration announced that they deliver some ISIS families to Albanian Government
Picture of some Albanian women and children at Roj camp #ISIS #Syria #Roj_camp #AANES pic.twitter.com/YYxnlh7wL7— Mahmoud (@Mahmodshikhibra) July 31, 2021
Ndërkohë në median shqiptare raportohet se në atdhe do të kthehen si pjesë e një operacioni të tretë, 15 fëmijë e 5 gra, të cilët kanë qëndruar nëpër kampet e Sirisë (Roj e Al Hol). Fëmijët dhe gratë do të udhëtojnë drejt Damaskut, e më tutje do t’i drejtohen Shqipërisë.
Autoritetet shqiptare ende nuk kanë bërë një deklaratë publike mbi rastin, për të shpjeguar sesa gra e fëmijë po tërhiqen dhe nga cilat kampe.
Kujtojmë se operacioni i fundit për tërheqjen e grave e fëmijëve shqiptarë të mbetur në Siri, u bë më tetor të vitit të kaluar. Operacioni ishte pasues i një ndërhyrje të parë, nga e cila u shpëtua i mituri Alvin Berisha.
