Vendimi i Greqisë për lëvizjet nga Shqipëria nuk ndryshon. Qeveria greke ka vendosur që të qëndrojë në fuqi bllokimi i lëvizjes deri në datën 30 shtator.
Në pikat kufitare të Kapshticës dhe Kakavijës do të vazhdojnë të kalojnë respektivisht 300 dhe 750 persona në ditë. Të vetmit që lejohen të udhëtojnë drejt Greqisë janë ata që kanë leje qëndrimi dhe punonjësit sezonalë.
Të gjithë do të duhet të testohen vetë për COVID-19 dhe të kryejnë karantinë 7-ditore. Një vendim i tillë i Greqisë vjen pasi atje janë rritur shumë rastet e reja dhe të vdekurit.
