Në një deklaratë për mediat, ministrja e Infrastrukturës, Belinda Balluku ka reaguar me tone të ashpra për situatën e krijuar në aeroportin e Rinasit, ku kontrollorët bojkotuan punën këtë të mërkurë, duke pezulluar fluturimet.

Sipas Ballukut, kjo situatë është krijuar për shkak sepse ata kërkojnë mbi 4 mijë dollarë pagë në këto kohë pandemie.

“Për shkak të kësaj emergjence të krijuar në Aeroportin e Rinasit, në portën e vetme që e lidh me vendet e tjera. Kemi situatë të jashtëzakonshme. Kontrollorët kanë vendosur që të bëjnë një grevë tërësisht të paligjshme. Në kodin e Punës është e përcaktuar qartë që; ndalohet greva për sektorët sensitiv, duke e nënvizuar dhe trafikun ajror. Ka nisur që dje kjo tratativë e jashtëzakonshme e kontrollorëve të trafikut ajror, por jo nga e gjithë. Për të kërkuar para në kohë pandemie. Nga 4 mijë e sa dollarë, sepse disa të tjerë e kanë më të ulët, nëse nuk iu afrohen kaq para; atëherë ata marrin peng Republikën e Shqipërisë sikur ta kenë tokën e babait të vetë.”, tha Balluku.

Balluku theksoi se politika ka kapur disa kontrollorë, ndërsa parlajmëroi se askush nuk do t’i ndihmojë kur të japin përgjigje penale.

“Një pjesë e vogël e tyre është kapur nga politika. Mjeshtrat e politikës e bënë plaçkë. Një çetë e ka bërë plaçkë hapësirën ajrore shqiptare. Ata që kishin turne, bëjnë xhiro në korridore, që të mos i quhet braktisja e vendit të punës. Ju keni braktisur punën dhe është dëshmitar gjithë Shqipëria dhe nuk do t’iu ndihmojë askush kur të përgjigjeni penalisht.”