Zv/sekretari i përgjithshëm për çështjet humanitare dhe koordinatori i OKB-së për ndihma emergjente, Martin Griffiths, lidhur me sulmet e kryera ndaj një shkolle dhe Spitalit Baptist Al-Ahli në Gaza ka deklaruar se Gaza është në gjendje të vështirë dhe se sistemet e shëndetit, ujit dhe higjienës po shemben.
“Janë vrarë qindra njerëz. Gaza është në gjendje të vështirë. Sistemet e shëndetit, ujit dhe higjienës po shemben. Njerëzve po u hiqet dinjiteti”, tha Griffiths.
Zëdhënësi i Ministrisë së Shëndetësisë, Ashraf al-Qudra, për Anadolu njoftoi se mbi 500 njerëz u vranë në një sulm ajror izraelit në Spitalin Baptist Al-Ahli në Rripin e Gazës mbrëmjen e sotme.
Pamjet treguan kufoma të shpërndara nëpër mjediset e spitalit.
Sipas korrespondentit të Anadolu-t, mijëra palestinezë ishin në spital kur ndërtesa u bombardua.
Burimi: AA
