Një indiane me emrin Magayamma Yaramati ka sjellë binjakë në botë përmes fekondimit, duke qenë në moshën 73-vjeçare.
BBC ka raportuar se çifti indian, Magayamma Yaramati, 73 vjeçe dhe burri i saj Sitarama Rajarao, 82 vjeç, janë përpjekur për shumë vite të bëhen prindër përmes fekondimit ekstrakorporal.
Yaramati arriti të mbetet shtatzënë në përpjekjen e saj të fundit, ndërsa dje ajo i dha dy binjakë botës me anë të ndërhyrjes cezariane.
Doktoresha Uma Sankar me të cilën lindi Yaramati, konfirmoi që nëna dhe vajzat e saj janë në gjendje shumë të mirë shëndetësore.
Por me babain ndodhi ndryshe. Rajarao pësoi një goditje në tru dhe përfundoi në spital.