Ish-deputeti i Partisë Demokratike, Belind Këlliçi i cili ka marrë pjesë në grumbullimin e simpatizantëve të ish-kryeministrit, Sali Berisha poshtë banesës së këtij të fundit, është shprehur se ky grumbullim është në shenjë solidarizimi.
Ai shtoi se këto mbledhje do të vazhdojnë, madje do të intensifikohen duke e cilësuar procesin ndaj Berishës si politik.
“Grumbullimet në shenjë solidarizimi, ndaj një të burgosuri politik, vetëm sepse është kryetar i opozitës.
Ka qytetarë që kanë ardhur nga rrethet, një grua madje kishte ardhur nga Italia, pasi kishte parë njoftimin.
Ne jemi i vetmi anëtar i NATO-s që ka në arrest shtëpie liderin e opozitës si pasojë e një procesi politik.
Kjo do të vazhdojë dhe madje do të intensifikohet” tha Këlliçi.