Fraksionet palestineze të martën në Kajro janë dakorduar për të krijuar një gjykatë zgjedhjesh bazuar në konsensus kombëtar midis gjykatësve nga Kudsi, Bregu Perëndimor dhe Gaza.
“Gjykata do të jetë ekskluzivisht përgjegjëse, jo ndonjë organ tjetër gjyqësor, për të ndjekur atë që ka të bëjë me procesin zgjedhor, rezultatet e tij dhe rastet e bllokuara”, theksohet në njoftimin e përbashkët të Dialogut Kombëtar Palestinez.
Grupet palestineze u dakorduan që presidenti palestinez Mahmoud Abbas do të lëshojë një dekret presidencial për të formuar gjykatën.
Njoftimi i fundit konfirmoi se policia palestineze do të jetë e vetmja përgjegjëse për sigurimin e procesit zgjedhor, duke përfshirë ruajtjen e vendeve të votimit.
Grupet u mblodhën të hënën në kryeqytetin egjiptian Kajro për të diskutuar çështjet në lidhje me mbajtjen e zgjedhjeve të përgjithshme bazuar në dekretin e Abbas-it në janar për të mbajtur zgjedhjet legjislative më 22 maj dhe zgjedhjet presidenciale më 31 korrik për herë të parë në 15 vjet.
Partia e Hamas-it dhe Fatah-ut kanë pasur mosmarrëveshje që kur Hamas-i mori Rripin e Gazës nga rivali i saj në vitin 2007.